錦麗 (形點 II)

营业中

休息中

上次去佐敦𠮶间食𠮶个火车头好鬼少𩠌！说好的补偿失望嘅心灵，今日去返锦丽食，上次讲错咗，唔系佢嘅火车头（贵啲），系综合粉，午餐先至系$74，啲𩠌真系多好多呀！牛腩有成三大嚿，生牛肉都有两大片，仲有两粒大牛丸，而且汤头好好味，质素一路保持水准，上次𠮶间只系多两片扎肉，但牛腩得一细嚿，生牛肉一细片，牛丸两细粒。今日仲追加左个牛油蒜香鸡锤，好脆唔油里便好Juice，平时都有叫，另外好钟意饮佢嘅椰汁三色冰，但今日椰汁三色冰同埋红豆冰都冇，所以只系叫咗普通嘅冻美绿。一路都保持水准，其实香茅猪扒都好好食，不过综合粉多𩠌，所以一个人通常都系叫佢，如果同埋老公嚟就可以叫两様大家share食。