影片
更多
2023-05-12
545 浏览
搭车经过好多次，见佢一枝独秀，心瘾难奈，今日下午就入去饮返两杯。门口一排风琴折窗闩咗，以为佢未开，入到去原来开左，坐低嗌杯Guinness饮（心属Stella，但因疫情减少左生啤供应款式，当晚未有提供实属可惜）。另外见佢都有唔少红白酒提供，今晚得我一个就唔开，但价钱相宜。同老板倾左几句，佢系一个健谈嘅人（一坐低佢就同我讲我系第二个问Stella嘅客），问佢点解唔开窗，佢都老实道因为天气转热，加上早两日落过雨，所以蚊患严重，所以闩窗阻挡（的确，我系惹蚊体质，但坐咁耐都冇俾蚊咬，可见非常见效）。店内装潢系英式风格，系我个人喜爱嘅酒吧风格（吧台细节位都处理得好好，我个人已认为已经唔系伪英式）。播放嘅音乐亦系90-00年代嘅英美pop，首首都系啷啷上口嘅流行英文歌，好有回忆。厕所衞生十分理想，呢一点尤其重要（特别系女生）。好钟意佢每一张台都有一盏土耳奇蜡烛灯，唔系电子灯，气氛加分。店内后方有两部镖机，凤凰同i-dart，我呢啲废柴就无谓献丑，但见老板都有掟几手，大家可以得闲落去揾佢操下柴（加油喇老板）。土瓜湾嚟讲，已经好少见到有咁嘅酒吧，仲要地舖，仲要系清吧，唔讲唔知，原来佢已经开咗9年，我系
门口一排风琴折窗闩咗，以为佢未开，入到去原来开左，坐低嗌杯Guinness饮（心属Stella，但因疫情减少左生啤供应款式，当晚未有提供实属可惜）。另外见佢都有唔少红白酒提供，今晚得我一个就唔开，但价钱相宜。
同老板倾左几句，佢系一个健谈嘅人（一坐低佢就同我讲我系第二个问Stella嘅客），问佢点解唔开窗，佢都老实道因为天气转热，加上早两日落过雨，所以蚊患严重，所以闩窗阻挡（的确，我系惹蚊体质，但坐咁耐都冇俾蚊咬，可见非常见效）。
店内装潢系英式风格，系我个人喜爱嘅酒吧风格（吧台细节位都处理得好好，我个人已认为已经唔系伪英式）。播放嘅音乐亦系90-00年代嘅英美pop，首首都系啷啷上口嘅流行英文歌，好有回忆。厕所衞生十分理想，呢一点尤其重要（特别系女生）。好钟意佢每一张台都有一盏土耳奇蜡烛灯，唔系电子灯，气氛加分。店内后方有两部镖机，凤凰同i-dart，我呢啲废柴就无谓献丑，但见老板都有掟几手，大家可以得闲落去揾佢操下柴（加油喇老板）。
土瓜湾嚟讲，已经好少见到有咁嘅酒吧，仲要地舖，仲要系清吧，唔讲唔知，原来佢已经开咗9年，我系搬左入嚟呢区先留意到呢间吧。大家不防落去住下，环境舒适，支持一下小店；佢开4点，3点几就可以入去坐下（如果唔介意佢地仲做紧清洁嘅话）好适合三五知已、收工同成班同事倾计、情侣小酌……
张贴
