Cali-Mex Bar & Grill (已結業)

嚟Super Park玩，玩到肚饿就梗系要揾嘢食啦🤗！但系附近想揾间餐厅都难😖，想食好嘢另外一个方法就系要出返奥海城！我相信好多妈咪都系同我一样...唔会咁神心山长水远行去奥海城啰🤪⋯⋯所以唯有硬着头皮用超贵价钱，食啲麻麻哋好食嘅嘢...填饱个肚就算！呢间美式加墨西哥餐厅：如果晏昼来讲选择唔系好多，另一个原因系价钱一啲都唔平！佢有一个Kids Menu, 入面有七款嘢食，但系食得饱嘅都系得一两种...我哋最后order咗卡邦尼意粉同埋迷你burgers, 卡邦尼意粉味道都几好，一个小朋友食啱啱够饱...但稍为大食啲应该都唔得！🤣另外𠮶三个迷你burgers, 肉质都OK又有牛味！但系唔好谂住一个小朋友食一个会饱啰！哈哈！总括来讲：食物水准OK环境一流～因为可以睇日落但价钱真系贵！