影片
更多
2023-03-21
109 浏览
📍方叔叔重庆老火锅 有个朋友话想食麻辣火锅，问我有冇推介，我马上就谂到方叔叔啦！基本上麻辣火锅食呢一间真系冇得输😎题外话，有冇人同我一样好怕食完烧肉或者火锅之后，成身都系一浸味？就系话说食完方叔叔之后，去到门口见到佢哋有一部「智能火锅除味机」，行到埋去揿掣，然后转一个圈，就会有天然生物酶喷出黎除味😙食方叔叔最期待都系佢哋嘅开胃糖水，系冰糖雪耳，好润好正又可以保护下个胃🥰汤底我哋要咗鸳鸯麻辣锅（其实本身想要九宫格，不过慎防我哋食唔到太辣，所以都系鸳鸯稳阵啲😂），一个就要咗普通辣，另一个就要咗大骨滋补汤。首先讲吓个普通辣一啲都唔普通，所以试左一啖之后我哋一开始就捞起哂啲辣椒先，不过真系越食越过瘾，之后其实大部份食物都系放去辣𠮶边食😂🥹隔离嘅大骨滋补汤有好大旧猪骨，再加马蹄等等，都几清几甜😋方叔叔有唔同嘅季节性限定食材，今次就系时令鲜春笋，佢哋嘅摆碟好得意好创新😂的确几新鲜几爽口。喺呢度打边炉，最紧要叫嫩牛肉（半份$48），真系超级超级好食，唔知点样形容果种嫩滑，总之就系保证大家一定钟意，放去辣汤最正😌另外当然仲有鲜鸭血（半份$38），绝对系高质鸭血！鲜鹅肠都值得一试（半份$68），好新鲜～
有个朋友话想食麻辣火锅，问我有冇推介，我马上就谂到方叔叔啦！基本上麻辣火锅食呢一间真系冇得输😎题外话，有冇人同我一样好怕食完烧肉或者火锅之后，成身都系一浸味？就系话说食完方叔叔之后，去到门口见到佢哋有一部「智能火锅除味机」，行到埋去揿掣，然后转一个圈，就会有天然生物酶喷出黎除味😙
食方叔叔最期待都系佢哋嘅开胃糖水，系冰糖雪耳，好润好正又可以保护下个胃🥰
汤底我哋要咗鸳鸯麻辣锅（其实本身想要九宫格，不过慎防我哋食唔到太辣，所以都系鸳鸯稳阵啲😂），一个就要咗普通辣，另一个就要咗大骨滋补汤。首先讲吓个普通辣一啲都唔普通，所以试左一啖之后我哋一开始就捞起哂啲辣椒先，不过真系越食越过瘾，之后其实大部份食物都系放去辣𠮶边食😂🥹隔离嘅大骨滋补汤有好大旧猪骨，再加马蹄等等，都几清几甜😋
方叔叔有唔同嘅季节性限定食材，今次就系时令鲜春笋，佢哋嘅摆碟好得意好创新😂的确几新鲜几爽口。
喺呢度打边炉，最紧要叫嫩牛肉（半份$48），真系超级超级好食，唔知点样形容果种嫩滑，总之就系保证大家一定钟意，放去辣汤最正😌另外当然仲有鲜鸭血（半份$38），绝对系高质鸭血！鲜鹅肠都值得一试（半份$68），好新鲜～
另外仲想讲记住叫鲜竹笙（半份$38），吸晒汤底嘅精华，真系不得了🤤另外仲叫咗淮山条（半份$28），同埋桂花蚌（半份$88），千丝柏叶（半份$38）仲有超级弹牙嘅手打四宝丸（半份四粒$58）
计埋汤底同埋酱料费，呢一餐每人都系$400有找，对于单点火锅来讲，都算系高质又抵食
张贴
