田記魚蛋牛腩專門店 (塘尾道)

营业中

休息中

最近钟意咗食有关牛嘅粉面，所以收工之后就同朋友一齐嚟到呢间系塘尾道嘅牛腩专门店。第一次帮衬田记粉面，见网上都好多好评，所以当然要试吓牛腩中嘅极品崩沙腩，朋友见餐厅嘅鱼片系自家制，所以非常有兴趣就点咗鱼片面。粉面未嚟之前就叫咗碗净水饺食吓，水饺皮薄多料，口感爽弹味道鲜甜。崩沙腩河 ($54) : 份量唔少之余仲有萝卜伴碟，萝卜清甜无渣，崩沙腩肥瘦适中，久煮慢炆后肉质软嫩，不愧为牛腩中嘅极品，如果以呢个价钱就食到呢个级数嘅崩沙腩河，性价比非常高。手打鱼片面 ($34) : 朋友 share 咗啲比我试食，果然自家制同交货嚟真系唔同味道，鱼片口感更弹牙，味道更鲜美，油面亦无碱水味。