饗樂町 (已結業)

星期日食下午茶。叫咗嘢食先至上嚟睇食评，即刻唔敢抱太大期望。不过好彩出品都正正常常。迷你蕃茄鸡肉焗饭（$38）朋友话相当唔错，不过份量真系相当迷你。迷你天妇罗拼盘饭（$32）水准不错，有南瓜、多春鱼仔、茄子、炸虾。当中炸虾非常抵食，大只得来脆卜卜。冻热蜂蜜芦荟茶各一杯，我觉得略为过甜但系都明白系冲出嚟嘅饮品冇办法。朋友就觉得都几唔错。好彩冇想像中咁伏，出品都算符合心目中嘅性价比。侍应哥哥都礼貌嘅。缺点位系水机出水好猛，揿两秒啲水就冲晒出嚟，要多次少量咁㩒。