友義氣‧酸菜魚 (小炒打冷)

营业中

休息中

夜晚冇得堂食唯有外卖啦🤷🏼‍♀️见到屋企附近有酸菜鱼食，就去左买黎试下。标准酸菜鱼 HK$188酸菜鱼系ok既，d鱼好滑，汤底偏辣多过酸，但依家天寒地冻食呢煲酸菜鱼真系即刻暖哂。配菜份量都正常，有芽菜、金菇、云耳、莴芛，但整体黎讲唔算有惊喜。佢除左有酸菜鱼，仲有小菜同烧味。叫左咕噜肉(HK$88)佢系比埋一条菠萝比你，菠萝劲甜劲多水，好好食。咕噜肉ok，冇咩大惊喜，正常，唔可以话好好食，不过佢系真炸过d肉，食落口有少少脆口既，肉质似猪颈肉多过梅排肉。午餐-水煮鱼饭HK$58水煮鱼还好，酸菜鱼好食啲，鱼片依然好滑，几好食。不过个白饭唔得，硬同埋未煮熟咁。双拼烧味饭-叉烧拼烧鹅 HK$55真系可一不可再，份量少都算，薄切叉烧，骨头烧鹅，冇味，唔好食，个白饭都系唔得，一样系硬同未煮熟咁。所以黎呢间食酸菜鱼一样好了，其他不了。