龍鳳冰室 (惠安苑) (已搬遷) 新店位置

以前喺天后成日去龙凤食lunch，见咁耐冇食谂住帮衬下，食之前仲犹豫紧叫爆辣炭烧肉松鸡扒定系炭烧鸡肉串配肉燥炒蛋好。六点后得番外卖，特登喺app叫定，之后先去拎。一入到去，有个冇戴口罩嘅男人问我系咪外卖，之后我惊见另一个冇戴口罩嘅男人准备帮我包外卖。当时我碗嘢并未冧盖，个男人夹住个电话，冇戴口罩一路对住我碗嘢讲电话（我要强调碗嘢系未．冧．盖），一路慢慢唧酱汁落去，一路帮我包外卖。今日仲系三十几单本地感染肺炎呀，而家正常人都有基本卫生意识，更何况系饮食行业？难以理解可以咁缺乏卫生意识，对客人嘅健康完全冇保障。至于𠮶个有口水同飞沫的外卖，我完整地将佢掉咗落垃圾桶。