大喬日本料理 (已結業)

原本同女朋友拍拖去铜锣湾食日本野，点知冇订位行左两三间都要等个几钟，于是打电话求救，朋友介绍左上去，净系唔驶等位兼环境舒服已经合我心意。拿起个菜牌发现D价钱上落好大，我前后点左六个野食：龙虾刺身、杂锦鱼生、炸卢旬、芝士焗蚝、酒煮大蚬、乌冬。龙虾刺身同炸卢旬竟然系差不多价钱，不过佢地话系PROMOTION，所以龙虾系蚀本价，听落几开心，一百蚊只龙虾刺身真系边度揾，上到台面只野仲狂动，吓到我老婆跳起，不过证明新鲜都系好事。野食算系水准中上，尤其鱼生同龙虾真系惊喜，我试过去一D贵得多的日本餐厅都系差不多呢个水准，惟一系个蚝配料好味但有少少腥唔算超新鲜，不过我印象中在香港好似未食过真系唔腥的蚝，所以都有心理准备。呢度可能因为人少，招呼相当热情，最冻反而系D茶。两个人食左六样野非常满足而再睇睇张单就有D高兴，可能我在PROMOTION的野食中选左几样，加埋都系500蚊，咁叫野食法同去D CHEAP餐庞的价钱冇分别，可能因为冇开酒关系所以咁抵。问题系餐牌上面的铁板餐一个人成六七百蚊，我唔知有咩人会叫，因为个起落差太远。不过论环境论野食论价钱，真系值得推介，带新识的女朋友去食都唔失礼。