飯飯店 (已結業)

当真冇改错名中菜好少会食到伏野，不过好多时候都唔会食到特别出色既中菜店。今次尼间，司令都食左六七道𩠌，都有一大半做得好好食架。 辣酒煮花螺 ($168)尼道𩠌既重点唔系花螺，而系佢既辣汁，辣得好有层次，而且辣度都唔轻，司令捞汁都食左大半碗饭😌，劲想拎走佢煲辣汁！ 秘制脆皮炸猪手 ($168)食肉成瘾既司令，当然唔可以错过叫炸猪手既机会啦！猪手炸到脆卜卜，但司令略嫌有啲肉为左炸得脆口而变得干，不过再配埋个酱汁沾嚟食就冇咁干。酱汁系黑椒蜂蜜味🐝，食落感觉冇咁热气，甜甜地几特别！ 蒜蓉粉丝蒸娃娃菜（$78）上碟嘅时候，司令已经非常震惊，因为真系非常多蒜蓉😂，粉丝同娃娃菜亦都吸哂蒜蓉嘅味道，不过司令觉得味道唔系好够咸，冇左一个灵魂嘅味道去提升佢嘅鲜味，或者加少许酱油会比较好。 花雕醉乳鸽 （$118）闻落已好香花雕酒味，食落乳鸽亦都好入味好香，食得出浸左一段时间，但肉质仲好嫩滑，而且肉地丰富，咬落啖啖都系肉。司令觉得除左烧乳鸽，依一味𩠌绝对系另一个好选择。