URBAN Cafe (駱駝漆大廈第一座)

营业中

休息中

Urban cafe未易名前已经系我好钟意嘅一间猫cafe，前几年佢拣骆驼漆做佢新分店真系好惊喜，真系返工放lunch都可以上去睇猫猫。晚市黎讲我多数会叫个两人set，选择都多。饮品就可能要加钱跟餐。沙律系罐头菠萝同生菜，普通嘅沙律，不过酸酸地开胃。是日餐汤系蘑菇汤，几浓郁，有惊喜！滋味小食拼盘有薯条，鸡块同鱼宝。虽然估系冰鲜食物，但佢炸得几热几脆，只系鸡/鱼肉味唔突出。薯条加上味粉后反而系三样入面最有特色。据说今日系national pizza day，咁就叫一个Pizza啦。卖相真系几靓，饼底够薄，而且芝士都多且偏淡味，令到巴马火腿个咸味成为主角。不过整体而言都系唔太够浓味，可能最近口味重咗。Risotto个份量大到不似预期，里面加咗好多菜同椒，所以口感爽脆，不过缺点系两种食材个味都好抢，唔太食得出野菌同芝士…桃胶加乳酪唔太甜，可以试一次。饮品黎讲牛奶朱古力好香浓，叫佢就唔会伏。香橙梳打都唔差，不过饮到最后会冇味，系呢度冻饮嘅通病。虽然呢餐有啲贵，不过黎到当然系为猫猫，而且其实食物质素算系动物cafe入面中上水平。员工似乎好锡猫猫，所以一直都放心再帮衬。