海月宴會廳

营业中

休息中

原本谂住新一年应吓节就去饮茶，大年初五饮午茶。事前已经book咗位。入到黎门口冇接待员，直入见到有位金毛短发女楼面职员，咁就同佢讲订咗枱两位，点知佢求其比出门口枱我哋。我哋同佢讲想坐另外果几张枱，但佢话𠮶几张枱系四人用嘅，全部都book咗枱，所以冇得拣。态度好恶劣。因为太肚饿，唔想再去第二度。咁都算啦，「新正头」唔好嘈交，都照坐低。我哋坐低咗叫嘢食，之后见到𠮶几张我哋原本话想坐而佢又坚持唔俾我哋坐嘅枱，全部都系俾两位坐咗，何来有四位？咁究竟系佢睇到啲乜？好奇怪讲番啲嘢食先，入到黎先知原来佢系煌府旗下嘅。叫咗六样嘢，啲嘢食呢系好食嘅。萝卜糕，预左同出面一样，都系少萝卜粉多，但系佢煎得好金黄。灌汤饺个汤好饮，不太咸。花胶好黏口。小笼包好多汁不过个皮比较厚。其他嘢都系正常嘅。只系职员好冇礼貌扣晒分。