百好名宴

营业中

休息中

是日打算一家人出去食餐饭，一早打左去book枱，点知去到等成15分钟都未有，知客话订枱只系优先安排唔系留枱，第一次听订左枱唔系留枱，同场仲要冇人等紧位，入到去仲见到有两张吉枱执好晒唔系冇枱，真系未食都已经一肚气，明明有枱都唔放客入？无奈！食物方面之前家人食过佢既波士顿龙虾伊面好抵食，但今次龙虾失准了，好瘦冇肉食。值得一提个片皮鸭，么么皮上到黎仲热辣辣，$78一食，呢个价钱本身都唔使抱咩期望，正唔正宗不是重点，超值又抵食。响大堂会睇到d阿姐片鸭，但呢个时势人来人往其实唔系咁好，同场见到有食客唔戴口罩走黎走去，如果加多块板可以挡一挡个片鸭位会卫生d其余菜式都系不过不失，不过总括都叫抵食同够热好食。呢间酒楼似系食海鲜多，下次可以试下其他海鲜菜式。服务方面有待改善，举手叫侍应十世冇人应。