影片
更多
2009-05-09
19 浏览
出左九龙湾, 原本想去大荣华, 不过冇订台有排等, 爸爸于是就带我们到这里。这里本应是食堂, 入口好似工厂大厦, 但上到去d装修和一般酒楼一样, 而且简单得黎都几新几干净。卤水牛海踅: 牛入味, 薄薄的好多片, 海踅我冇食, 但爸妈说ok爽口带麻油香, 不错!野菌素菜煲: 有好几种菇, 包括秀珍菇, 鸡脾菇, 鲍鱼菇同一种不知名的菇, 全都炆得够淋又吸满了汤汁, 底下的白菜仔都煮得岩岩好, 惟一系汤汁稍微过咸。XO酱蜜豆驼鸟肉: 呢个好辣(我唔食得辣)! 但辣得黎又冇咩XO酱的惹味, 蜜豆稍硬, 但未知是否松肉粉的关系, 驼鸟肉就好淋, 但都有肉味。组合起来是个不过不失的菜 。椒盐鲜鱿: 炸得金黄, 鱿鱼够厚, 炸粉厚薄适中, 比一般酒楼好, 但比食海鲜的地方如西贡就不够脆口, 鱿鱼亦不够爽口弹牙, 稍慊过韧, 但呢度价钱平咁多, 同埋又唔系专做海鲜, 当然唔可能咁比啦~ 海底椰糖水: 饭后赠送之糖水有2款, 红豆沙同海底椰, 我地3个都拣了后者。椰汁味浓且滑但不腻, 每一口都食到海底椰, 很不错的。总括而言, 睇门面正常系会对呢间酒楼完全不抱任何期望, 但点知无论食物质素, 份量
出左九龙湾, 原本想去大荣华, 不过冇订台有排等, 爸爸于是就带我们到这里。
这里本应是食堂, 入口好似工厂大厦, 但上到去d装修和一般酒楼一样, 而且简单得黎都几新几干净。
卤水牛海踅: 牛入味, 薄薄的好多片, 海踅我冇食, 但爸妈说ok爽口带麻油香, 不错!
野菌素菜煲: 有好几种菇, 包括秀珍菇, 鸡脾菇, 鲍鱼菇同一种不知名的菇, 全都炆得够淋又吸满了汤汁, 底下的白菜仔都煮得岩岩好, 惟一系汤汁稍微过咸。
XO酱蜜豆驼鸟肉: 呢个好辣(我唔食得辣)! 但辣得黎又冇咩XO酱的惹味, 蜜豆稍硬, 但未知是否松肉粉的关系, 驼鸟肉就好淋, 但都有肉味。组合起来是个不过不失的菜 。
椒盐鲜鱿: 炸得金黄, 鱿鱼够厚, 炸粉厚薄适中, 比一般酒楼好, 但比食海鲜的地方如西贡就不够脆口, 鱿鱼亦不够爽口弹牙, 稍慊过韧, 但呢度价钱平咁多, 同埋又唔系专做海鲜, 当然唔可能咁比啦~
海底椰糖水: 饭后赠送之糖水有2款, 红豆沙同海底椰, 我地3个都拣了后者。椰汁味浓且滑但不腻, 每一口都食到海底椰, 很不错的。
总括而言, 睇门面正常系会对呢间酒楼完全不抱任何期望, 但点知无论食物质素, 份量同服务(所有𩠌都以透明胶盖盖住直到上菜, 而且待应见又会问下冷气是否过大, 见你食晒d饭仲有𩠌就问你驶唔驶添饭等...)都比好多大集团酒楼好, 惟一唔好系设有雀局, 只得屏风隔开, 我地又咁岩坐正屏风旁, 真系好嘈。呢餐饭大家都食得好满意。
张贴
