JK Brother’s (已結業)

大厦左右两部䢂都上到呢间放题。周末晚五点准时食头围，限两小时，付款只收八达通或现金。见餐牌嘅汤底选择，居然有选择困难，侍应推介寿喜烧…及后发觉出事，汤底唔系普通甜，系特甜！所有冬菇、鱼腐、肉丸之类，浸超过5分钟，捞起送入口全部得番啲劲甜䜴油味…冇哂食物本身味道，自调𠮶兜生蒜葱酱油完全派唔上用场…只有鲜肉片类或响铃、炸鱼皮因灼嘅时间短先冇咁受影响。落单留意1系指一片非一碟，鱼生切得比平常一般食嘅短同薄一半，间中嚟嘅三文鱼刺身肉质有啲散，赤贝唔系新鲜即开较似雪藏，件头较细，鱿鱼螺片类刺身颇靭。雪糕建议都系攞moven 就好，虽然只有士多啤梨味但品质保证，另外那个叫咩大阪雪糕（香港造），攞左薄荷味，食落去似食第一啖绿箭香口胶、朱古力味似雀残𠮶种味。叫做有样嘢食落醒神啲，系个芝士挞，食到咁饱，才食都觉得好食，甜度适中，有少少流心，软滑。好多食客话侍应态度麻麻，还好我遇到个妹子侍应几有耐性几殷勤，我哋烦佢多次喺咁问问题佢都冇西面，叫做加番啲分数。但回家仲系觉得鞋口鞋脷，𠮶个寿喜烧真系硬伤…