珍意泰國菜館 (已結業)

游完水好攰，唔想谂食乜嘢，叫咗个$290嘅二人餐，头盘炸虾饼，味道一般，炸到好多油。跟住有三拣一嘅汤，佢写住系边炉海鲜粉丝，听个名觉得好正咪嗌啰，呢味𩠌到嘅时候令到我个人完全冇晒胃口，完全想像唔到系一煲菜瘦肉粉丝加埋一啲海鲜碎嘅嘢😿唔可以叫难食，因为佢系冇咩味道。好健康。炒通菜应该系正常挂，辣辣地，但啲菜好似老老地咁，食两食唔想再食。跟住配一个炒饭，好似叫招牌卤肉炒饭，冇咩特色可言，饭硬硬地，冇咩特别味道。餐厅另外都冇乜配套，唔会再嚟食嘢。食咗呢一个汤之后就唔想再影相啦。饮品都系一般。