Pho 778 (已結業)

上openrice见好似好多人赞咁，又好似讲到好好食，呢一日咁岩去湾仔做野，试下先。猪颈肉捞朦：评分：7/10呢一日其实唔系想食呢个，但间野话炸炉坏左，食唔到炸的野，加上间野唔知咩事，呢样冇个样冇，时值放饭时段，但间野好似刚刚先开店咁，灯光昏暗，既然想食的都冇得食，唯有迫住食猪颈肉，可能因为d店员挂住研究个炸炉，大家都好似懒得理你咁，令我对呢间野的服务态度，扣左好多分。讲番呢碗野，um......冇咩特别，其实唔知讲咩，因为是日唔想食猪颈肉，肉质唔算爽口，有点干，有点贵，没有野饮盛惠$48，以湾仔地段黎讲，我唔怪佢。本来黎食之前，谂住如果好食就下次带最爱黎食，佢钟意食炸野,不过经过今日，我谂有其他更好的选择。