影片
更多
2010-11-22
31 浏览
我同楼下大部份食家一样系用激安折扣,但我就真系冇同大家一样既食后感.真系唔系我要求高, 我食开既同类餐厅,无论环境(海景除外), 坐位, 服务, 食品质素, 食品味道, 用心都比呢间高,偏偏价钱就比呢间平好多好多好多, $400/2个人埋单仲有几十蚊找.首先因为环境太黑, 我地又唔记得带相机, 所以影出黎既相唔够光, 唔放上黎啦,其实楼下都已经有好多相, 都大同小异啦.环境真系好迫, 音乐太大声, 感觉似在酒吧, 完全冇西餐厅感觉,而且油烟太大, 我都未试过去食西餐食完好似食韩烧咁成身味.焗田螺 味道OK(罐头都唔OK就死得), 薯茸就好一般, 唔够软滑, 意粉屋比较好食, 唔可以同我食开果间比较.比较 : 我食开果间前菜有大约5款选择, 当中既焗田螺系用磨菇盛载, 干净企理, 薯茸香滑.龙虾汤 一上枱我仲以为系普通白汤, 原来有龙虾肉, 我唔明点解D肉系冻, 仲用比较浓味既调味, 通常系唔新鲜既食材先会用呢个方法. 而最唔钟意系D汤上枱只系暖暖地, 饮到尾已经冻晒...比较 : 有数款唔同汤选择, 除龙
但我就真系冇同大家一样既食后感.
真系唔系我要求高, 我食开既同类餐厅,
无论环境(海景除外), 坐位, 服务, 食品质素, 食品味道, 用心都比呢间高,
偏偏价钱就比呢间平好多好多好多, $400/2个人埋单仲有几十蚊找.
首先因为环境太黑, 我地又唔记得带相机, 所以影出黎既相唔够光, 唔放上黎啦,
其实楼下都已经有好多相, 都大同小异啦.
环境真系好迫, 音乐太大声, 感觉似在酒吧, 完全冇西餐厅感觉,
而且油烟太大, 我都未试过去食西餐食完好似食韩烧咁成身味.
焗田螺 味道OK(罐头都唔OK就死得), 薯茸就好一般, 唔够软滑,
意粉屋比较好食, 唔可以同我食开果间比较.
比较 : 我食开果间前菜有大约5款选择, 当中既焗田螺系用磨菇盛载, 干净企理, 薯茸香滑.
龙虾汤 一上枱我仲以为系普通白汤, 原来有龙虾肉,
我唔明点解D肉系冻, 仲用比较浓味既调味, 通常系唔新鲜既食材先会用呢个方法.
而最唔钟意系D汤上枱只系暖暖地, 饮到尾已经冻晒...
比较 : 有数款唔同汤选择, 除龙虾汤外, 鲜鸡清汤同冻汤都有绝大惊喜, 睇得出系用心机同时间去煮.
芝士焗蚝 味道一般, 食唔出蚝香, 而随后我地发现佢地可能蚝壳翻用...
比较 : 没有供应.
澳洲肉眼扒 唔知点解, 牛扒肉味唔浓极淡, 酱汁普通, 只系烧汁, 牛肉质素差, 配菜水煮熟冇味.
比较 : 牛肩肉拌合桃红酒汁, 牛味超浓有口感, 合桃汁浓淡适中, 抢唔到牛味, 配菜略煎熟.
羊鞍 已经冇乜胃口吸引我地继续食, 冇食.
比较 : 虽然人地都有羊鞍, 但我地通常都会食比较特别既日本无菌猪扒, 冇煮到全熟, 入口软滑冇渣, 冇猪腥味.
甜品 木糠蛋糕好食既原因系玛利饼打得好碎好滑, 味道亦都OK.
心太软用传统做法, 唔似大部份餐厅用朱古力软心做, 值得一赞.
但稍嫌甜品过于普通, 可能因为2款我自己系屋企都会整黎食, 唔觉得别.
比较 : 木糠布甸系午市套餐($40-50)甜品, 我曾经好有冲动去厨房问厨师点整, 虽然简单, 但味道超然, 我未食过咁好既味道.
晚餐数款甜品当中, 我最爱红酒煮啤梨, 煮得入味, 够香甜, 因为麻烦唔会自己煮.
张贴