無肉食 (洗衣街)

营业中

休息中

见到食评啲相好似几好，又见到有Pizza炸鸡芝士挞，个样好似唔错，一心谂住去试吓。第一次食素食自助餐。完全同印象中嘅自助餐系两回事。非常之多人，啲人抢食，好似睇啲大陆片啲大陆人抢食咁样。可能因为好平，所以人流嘅质素就咁样。地方都几细下。所以咁多人迫埋系一个地方，变得好嘈好唔舒服。去食午餐。星期六$88 ，冇+1。去到就系食一般斋炒菜炒饭炒面。炸物方面有炸豆腐炸茄子炸春卷炸粟米。沙律都系𠮶啲嘢啦。有啲凉拌芽菜云尔酸萝卜。虽然不断出菜，但实在太多人，根本抢唔到食。啲嘢好似食净啲𩠌头𩠌尾咁。味道一般。但系可能系午餐，所以出咗好多次菜，都冇芝士蛋糕芝士挞同埋pizza。𠮶个所谓嘅韩式炸鸡见都未见过。我原本净系想食𠮶三样嘢，一样都冇出现到。仲要系一个咁嘈咁迫咁唔舒服嘅地方。求其食咗少少野就走啦。都唔使30分钟。好失望。以后都唔会再去任何素食自助餐。因为太平，所以好多人，环境感觉差过大排档。