養珍品牛肉麵 (已結業)

好多时睇食店团购唔只系贪平，而系可以发掘到一啲自己少去嘅地方嘅食店，今次又发掘到一间喇！养珍牛肉面，店里有个哥哥有礼又好招呼，依度唔只好啲野好食服务态度都系值得一赞！先嚟前菜，有奄青瓜，味道偏甜爽口囡囡很喜欢，酸菜，酸酸甜甜又够爽最啱用嚟开开胃卤水小吃，卤旦就冇咩特别，牛肚就非常好味因为佢地嘅卤水汁系好有层次，你可以食到每种卤水料嘅味道，骨胶原猪脚，够淋入味又唔会有油淋淋嘅感觉招牌牛肉面，听闻系用多种药材加上上等牛骨，肉煲上十小时制成，饮落去只觉少少药材味，鲜甜嘅肉味布满整个口腔，面系一般上海面，牛肉炆得入口即溶 老公赞不绝口连汤都饮埋可能牛肉面实在做得太好，相对清汤牛腩就失色左啲，可能喜爱清淡嘅人会钟意，台式肉燥饭，肉燥野味，饭系用台湾珍珠米甜品系豆沙饼，个样好似马卡龙，味道唔系太甜，饼好脆口可以一试！加理任饮豆浆都只不过系$268四人套餐，所以好野系要发掘嘅！平时依度一碗小招牌牛肉面都要$111不过都系物有所值！依度一定会再去！