祥囍煲仔小廚

营业中

休息中

小菜炒得渣。炒牛柳粒内有薯仔粒用老抽一齐炒，用老抽炒就会黑黑上了层深黑色表面，再 配搭洋葱、青椒炒唔够熟身， 纯粹沟埋一齐壮大碟牛柳粒， 盐调味下唔够， 味道唔够黑炆炆牛柳薯仔粒。 煲仔饭水准唔稳定，饭香欠缺， 煲仔饭未收干水 ，就已经急急上枱， 打开饭，米仍湿身，白鳝腥味渗入饭中， 豆豉酱调味唔够， 煲仔饭灵魂豉油毫无味道， 趋向求其， 以往见大姐整煲仔饭系开心坚定样貌，今次再见已经疲态毕露失去已住开朗，看到她工作纯不断煲饭，紧紧脸容，气势大不如前。打工仔不断工作质素唔到佢话事， 老板只系要大姐快出煲仔饭。 熟客唔排队优先无可厚非，但系真系唔好做得咁出面，大家都排队有眼睇。 西环龙头煲仔饭坤记点解始终第一， 因为一份坚持及时间。