CHIMPZ (已結業)

Happy Friday 开心聚会，约下人食饭庆chrismas。今次揾到间铜锣湾隐世小店道先叫左个炸鸡翼配水牛城芝士汁，辣得黎有啲芝士香，真心高质。之后叫左个猩猩迷宫，其实系all day breakfast 黎，一盒9格唔同野食，有红菜头蕃薯沙律，牛角包， 牛油果沙律，大蕃茄，大啡菇，菠菜，直布罗陀肠，黑松露炒滑蛋，烟三文鱼配蟹籽。一口气食晒咁多样野。肠仔，烟三文鱼同炒蛋特别好食。主菜叫左香煎北海道带子配黑松露意大利饭，北海道带子唔算大粒但味道够香，而且好滑。意大利饭既松露味好够，食落好rich，饭粒有少少咬口，做得几好。甜品叫左Chimpz 法式焦糖炖蛋同烤苹果脆顶奶油酥配豆腐雪糕，质素都好过预期，炖蛋好滑，奶油酥同雪糕一冷一热，配搭效果几好。饮埋杯白桃四季春同玫瑰花果茶，再同朋友倾下计，都几开心㗎。