炊豕店 (曉悅) (已結業)

呢一间铜锣湾都有分店嘅炸猪扒饭餐厅，成日都见到好多人排队，难得见到长沙湾都有分店，𠮶日又冇乜人排队就入咗去食。价钱唔算好贵，60几蚊有咁大块猪扒同饭，都几抵食。首先我就嗌左个葱油猪扒饭，猪扒真系炸得好香口，啲葱油简直系精粹，平时都钟意食葱油嘅我，呢度嘅份量系三四倍咁多！而我自己仲嗌多咗个肉燥冻豆腐，过冬豆腐配埋啲肉燥都几好食，加埋啲木鱼碎，真系会一啖接一啖咁食。而我朋友就嗌左个大阪烧猪扒饭，上面就系啲大阪烧嘅酱料包括紫菜碎沙律酱等等，冇谂过夹埋啲猪扒一齐食都好夹，猪扒炸皮唔会好厚。佢自己就点左卤水猪耳，猪耳都几入味，都几新鲜。