韓城 (已結業)

今日约左阿哥去旺角买野，行到差唔多8点，开始有D肚饿，于是就系附近揾食~行行下就入左呢间餐厅，虽然系食晚饭时间，但都唔太多人，等左一阵就有位，入到去被安排左坐独立卡位 唔会好逼之余，亦唔会像一般的韩烧餐厅嘈到计都倾唔到，仲有电视睇添 烧烤选择种类甚多，五花腩、牛肉、羊肉、鸡扒、火肾、串烧、鱿鱼仔、甜粟米、刺身同炸物，基本想食的都有齐。饮品任饮，种类甚多，除了基本汽水、橙汁、乌龙茶、啤酒外，也有蕃石榴汁、冬瓜茶、CC苹果和提子汁，正！当中五花腩就好食，稔得来有咬感，仲有好鲜肉香味，我同阿哥都觉得几好食，最后都encore左几次 席间仲有扇贝同虾送，两者都好新鲜，口感爽甜又弹牙，而且亦唔会好细只，真心surprise 而餐枱上系冇抽烟烟通，开头担心会唔会烧到又烟又热，但餐厅通风良好，唔焗又唔会食到周身油烟味。最后要赞嘅系任食冇限时，冇人赶之余，唔会食得有压力！以任食黎讲，都真系唔错，加上位置都算就脚，我俾佢80分！