OPPA Coffee Bar Restaurant

营业中

休息中

继续喺韩国街试韩国餐厅，嚟之前上网揾到呢一间都好多人推介就即本喺朋友生日试吓。餐厅环境系十分之逼夹嘈吵，我就订咗枱谂住位置会好啲，但系点知安排坐喺饮品吧隔篱全程就听住洗杯声水喉声开野饮声好嘈。。。 叫咗四样嘢食，最surprise系个韩国蛋卷，简单啲嚟讲就系一旧好厚嘅玉子烧，蛋香味浓，而且仲有大量沙律陪衬10分有用（之后你就会明我讲咩）。第二样就系八爪鱼芝士拌饭，四个字，冇乜特别。第三样就系海鲜韭菜饼，都系一样，冇乜特别，韭菜好多海鲜得几粒，未至于难食但又唔想继续食咁。第四样，韩国嘢梗系不少得有炸鸡。但系呢一间嘅炸鸡有啲难顶，份量的确系多，但每一嚿鸡肉嘅份量占比就十分之少，粉皮多到爆，直头同气炸锅𠮶啲急冻炸鸡有得比，鸡肉真系好少，同埋完全冇乜味道可言。。。呢个时候啲沙律就好有用，夹埋一齐食起码叫做调返个味。