玖子貴 (已結業)

Sogo地库超市终于装修完，今日重新开幕，系预期中的人头涌涌。熟食部分比以前多好多，有饭团、串烧、八爪鱼饼、咸批等等。最想食嘅系来自鹿儿岛的「玖子贵」，售卖各种口味炸鱼饼，大部分都系廿几蚊。左边的粟米鱼饼有极多粟米，味道带少少甜。中间系最多人点亦系招牌的流心蛋鱼饼，呢个流量快，所以买的时候系最热辣辣，本来都不错吃，但咬穿只蛋时，蛋黄几乎全熟了，失望。最右系香葱柠檬盐鱼饼，d葱咁澎湃啱晒我，加上柠檬盐带少少酸，所以虽然其貌不扬，但觉得呢个算最唔错。