四季煲仔飯

营业中

休息中

成日见到呢间煲仔饭大排长龙，心谂今日平日去食应该冇人啦挂～果然，平日晚上八九点系有空位架。我地叫左蜡肠滑鸡煲仔饭、细蚝饼同埋腐乳通菜。首先上既系细蚝饼，有两块，都真系几细。蚝饼带脆口感，不过蛋好似冇以前咁香，唔知道系咪仲用鸭蛋整呢？蚝既份量都多，唔腥。煲仔饭上时我地立刻林豉油，再盖返煲盖等左十几分钟。可惜完全冇饭焦，有D失望。鸡几滑，不过就冇乜鸡味。蜡肠偏油。最后食腐乳通菜，腐乳超咸。菜既份量都多。