御家迴轉壽司 (已結業)

寻日第一次去哩间铺食寿司,可能六点几既关系间铺冇咩人。仲有半月形o既枱坐添!啲寿司冇其他人讲咁话细件、偷工减料,件寿司极大件,讲新鲜又唔算系,不过不失啦。三文鱼腩寿司、北寄贝寿司、吞拿鱼腩寿司、芝士烧三文鱼寿司、白身盛都唔错。个软壳蟹寿司就比较逊色,唔热又咸。七味鸡软骨太咸,盐味太重。玻璃虾十二蚊一碟但系同普通o既熟虾冇分别。清酒煮蚬真系得㖞,闻落好大O既酒味,但系食落就好清,只蚬好清甜,冇沙。一锅有成十只,$30低食。啲侍应都唔慢亚.不停帮我地收O野、斟水。