ラーメン松壱家 (已搬遷) 新店位置

上次食完博多XXX之后，啲人问我觉得点，其实我觉得唔错，可以列入我喜欢拉面嘅头五名，不过如果个汤可以再顺口啲，味道再突出啲，咁就仲好。其实我对拉面要求唔高，只不过我有啲偏好嘅味道，又或者我唔系咁钟意浓厚猪骨汤，甚至有怀疑过我根本唔好日式拉面。不过，咁嘅难题都难唔到我啲人，佢提议去食松壱家，佢话我会钟意。除咗大路嘅塩，酱油，味噌猪骨汤外，仲有重口味嘅'国'猪骨拉面，听讲话系黑麻油同辛辣酱调配而成，啲人至爱，而我嘅就系终极鸡白汤拉面。终极鸡白汤拉面 - 鸡白汤我响神户食第一次，汤浓微黏，每口都充满鸡油嘅香甜味，美味非常。至于松壱家嘅作品。。。果然名不虚传。除咗鸡白汤味厚，口感却意料外清爽，与猪骨汤融合嘅味道，产生唔同嘅层次，冇酱油嘅影响下，两种肉味更显分明。面条挺身绝无碱水味，加入生菜片令食感更清爽，瘦叉烧好入味，半熟蛋滑溜入口，蒜酥间唔中俾你一个刺激，实在系无可挑剔嘅终极拉面，连汤都一滴不留饮哂!松特国猪骨汤拉面 - 啲人大食，所以要咗个加大版，咩都多过人。叉烧，紫菜，面都系加倍，除咗半熟蛋之外，送你多只鹌鹑蛋，问你死未。汤底系猪骨汤，加入黑麻油同酱料调配，芝麻香唔在讲，猪骨汤冇乜油腻感