低調高手大街小食

营业中

休息中

甚少踏足筲箕湾，一场光临当然要尽量食多啲地道美食。揾到呢间得奖热店，店名好似早有听闻，于是晚饭特登留肚过嚟再食多转正宗鸡蛋仔原本想试黄金鸡蛋仔，点知暂停咗，唯有食返原味。$17一底，价钱唔算贵，话哂坊间好多唔同味道嘅鸡蛋仔都卖到二字头。等咗唔够10分钟左右，攞上手冇乜热辣辣嘅感觉，食落系非常脆，但系蛋味唔够浓，咬开一睇，入面嘅蛋浆一半都冇，难怪唔够香浓。虽然未去到排队级数，但心谂都算外脆内软，点知食到2/3开始冇得一粒粒好脆咁啪开，再食到底直头变咗毛巾（已经企喺门口即食，前后未够2分钟），实在有啲失望。