餃掂手工餃子雲吞專門店

饺掂系其中一间我会再三帮衬嘅饺子店😋相对其他煎饺店，佢胜在分店较多，港岛同九龙都有分店，今次就一时兴起去左中环嘅分店食饺子😋✨龙凤松茸汤饺（$86 / 8只）呢款龙凤松茸饺系店舖嘅招排菜，相对黎讲都较贵。饺子分别有黑松露同白松露两种款式，包得非常饱满足料。食落两款口味嘅味道嘅分别唔大，松露香突出。值得一提嘅系佢个状元九鼎汤，落左淮山、生鱼、猪尾骨等材料去煲，味道非常清甜😋同屋企煲嘅老火汤有得fight🤣✨韮菜煎饺（$47 / 7只）相比起松茸饺，韮菜饺可以话系价廉物美❤️饺子外皮煎到金黄香脆，同样系落足料😋咬开脆卟卟嘅饺皮后有啖啖肉汁流出；韮菜独特嘅香味中和左猪肉嘅酥味，系我每次都必点嘅😋✨回味手拍青瓜（$25）呢到都有唔少小食可以选择，味道黎讲冇饺子咁出色，但都算系中规中矩。手拍青瓜味道偏麻辣，口感爽口，非常开胃。✨蜜饯鸡翼（$24 / 3只）鸡翼食落有较重嘅蜜糖味，口感相对较腍，食得出炆左一段时间。