品香樓中西風味餐廳

营业中

休息中

呢日同家人黎呢度食饭，由于手撕鸡要早一日订，我地都可以订埋位。可能时间尚早，所以都唔算太多人既。南乳鸡翼几好食，好重南乳味。鸡翼炸得好入味。芝士琵琶豆腐呢个我觉得无季季红咁好食，因为佢豆腐里面系有料既。但呢个只系好普通既炸豆腐。不过，个芝士汁真系几浓架，捞饭真系好好食。蒜香牛仔骨呢个真系好普通，因为个汁系好咸。牛仔骨就唔差既，算几好食，不过个汁真系太咸。系好难食得到既。菜煲唔记得叫乜名，不过有好多料既。有鱿鱼，又有菜。椒盐鲜鱿呢个好好食架，炸粉唔太重。鱿鱼既份量算几多，真系叫得过黎食架。手撕鸡呢个就唔太得啦，因为鸡系无乜味既。我情愿叫多个南乳鸡翼都无咁嬲。冻朱古力讲真系无乜特别，只系上面有旧cream。但又几好饮架，唔算太甜又好滑。