Pier 7 Cafe & Bar

N年前一个下午。 友人M带我黎呢到食左个风雨中的lunch。其后周不时都黎呢到食下。午餐自助餐由唔过百食到最平百二。见证住通货膨胀。星期二黎最开心因为系烧西冷 。肉质腍滑中带筋位置有咬口。肉汁香甜。烧汁香浓（原来当年系好watery）。前后食左四转八块手掌般大先够喉。（嗯。。。我仲系食肉兽）唔好以为只系食肉兽先会满足到。因为佢既沙律吧绝对不容错过。罗马生菜新鲜爽甜。流量快refill亦快。冇一块菜系生锈同风干左。车厘茄用陈醋捞过。越食越开胃。南瓜同茄子火路刚好。唔会硬亦唔会一pat pat。调味亦对口味。系海港城返工坐船过黎食。船程可以放空脑袋。食个lunch打满个胃。返到去又再埋头苦干。