影片
更多
2018-07-09
45 浏览
「麦田厨房」位于铜锣湾边宁顿街，地点旺中带静，主打上海派俄罗斯菜。咁究竟「上海派俄罗斯菜」又系咩黎嘅呢? 所谓上海派俄国菜，又叫罗宋大菜，其实系Russia系上海话嘅译音，亦即系受上海人文化影响嘅俄罗斯菜。1917年俄国十月革命期间，白俄罗斯难民同一D贵族带著佢地嘅厨师逃难到上海、哈尔滨等等嘅地方，而当时有唔少山东人去上海工作，同白俄厨子学煮俄国菜，后来调校成贴近上海人口味嘅「海派罗宋大菜」，香港开埠初期，大量中国侨民移居香港，当中包括上海新移民，菜式于当时传入香港。当中以上海派罗宋汤，串烧牛柳，基辅鸡卷，烤羊架，俄国牛柳丝饭等等尤其出色！ 餐厅环境宁静，灯光柔和，除左有俄罗斯风格嘅装饰布置之外, 仲有好多俄罗斯娃娃，由细到大顺序排列，令成间餐厅充满左俄罗斯风味。由于「上海派招牌罗宋汤」系呢度嘅招牌菜之一，加上上次试过觉得好好味，当然想encore啦。上海派招牌罗宋汤: 蕃茄酱炒过后加入红菜头，甘笋，薯仔同椰菜同埋放过夜嘅牛腩煮成嘅罗宋汤，口感厚实，入口酸酸甜甜，带微辣，非常爽口，令人越饮越开胃，配埋脆口既蒜蓉包，真系完美既配搭，同一般西餐饮到嘅红白汤简直系无得比呀。传统迷你虾多士:多
所谓上海派俄国菜，又叫罗宋大菜，其实系Russia系上海话嘅译音，亦即系受上海人文化影响嘅俄罗斯菜。1917年俄国十月革命期间，白俄罗斯难民同一D贵族带著佢地嘅厨师逃难到上海、哈尔滨等等嘅地方，而当时有唔少山东人去上海工作，同白俄厨子学煮俄国菜，后来调校成贴近上海人口味嘅「海派罗宋大菜」，香港开埠初期，大量中国侨民移居香港，当中包括上海新移民，菜式于当时传入香港。当中以上海派罗宋汤，串烧牛柳，基辅鸡卷，烤羊架，俄国牛柳丝饭等等尤其出色！ 
餐厅环境宁静，灯光柔和，除左有俄罗斯风格嘅装饰布置之外, 仲有好多俄罗斯娃娃，由细到大顺序排列，令成间餐厅充满左俄罗斯风味。
由于「上海派招牌罗宋汤」系呢度嘅招牌菜之一，加上上次试过觉得好好味，当然想encore啦。
上海派招牌罗宋汤: 蕃茄酱炒过后加入红菜头，甘笋，薯仔同椰菜同埋放过夜嘅牛腩煮成嘅罗宋汤，口感厚实，入口酸酸甜甜，带微辣，非常爽口，令人越饮越开胃，配埋脆口既蒜蓉包，真系完美既配搭，同一般西餐饮到嘅红白汤简直系无得比呀。
传统迷你虾多士:多士放入用鲜虾，蔬菜同炸粉打成嘅粉浆后炸成嘅虾多士，火喉刚刚好， 入口不但香脆而且爽口弹牙，配埋沙律酱食，真系有一番风味。可惜份量真系有点儿迷你，如果可以多少少咁就好啦。
香煎黑毛猪配苹果汁: 黑毛猪肉质鲜美，入口够爽，又唔太硬，味道一D都唔骚，配埋自家制苹果蓉呢个配搭真系非常衬，味道夹得黎仲带出肉嘅鲜味。
海派茄汁焗猪扒饭: 茄汁焗猪扒饭永远系我既最爱，即叫即焗嘅茄汁焗猪扒饭，卖相吸引，上台时热辣辣，散发出阵阵蕃茄香味。加入左蕃茄，芹菜，蘑菇等等材料整成嘅蕃茄汁，味道香浓，配埋非常松软嘅猪扒食，非常惹味。
呢度无论食物, 环境同服务都非常好，价钱又合理，下次要同多D人一齐黎，咁就可以试多D唔同嘅菜式啦。
张贴
