點點心 (已結業)

我friend系湾仔做嘢，所以我地成日都会系呢边一齐食饭，点点心系我地成日都会帮衬嘅一家，呢度d嘢水准都可以，而且价钱又抵食，系度食下嘢倾下鬼都几惬意，不过呢度几旺下，有时要等位嘅。脆皮鲜虾肠，几钟意呢个口感，出边层皮薄薄地有dd韧，中间一层脆皮好酥脆，里边嘅虾同肉馅鲜味十足，29蚊一件食得过！菠萝包都几新鲜下，因为里边有新鲜菠萝吖！不过觉得甜过头，淡番小小冇咁滞。烧汁茄子，矮瓜上面酿咗d虾同猪肉嘅馅，矮瓜过咗下油，淋咗d酱汁系上面，味道好咸香，不过觉得矮瓜唔够入味，里边冇乜味道。牛肚又有d咸窝……豉汁凤爪好入味，好霖。虾饺里边料十足够，又爽脆又鲜甜。总体来讲水平中上值得好食。