半熟工房 (已結業)

之前已经食过佢既半熟芝士蛋糕，超级好味，一试难忘，仲令我即刻有冲动写番个详细食评去表达一下～今日见终于有少少空闲时间 又再专诚去食多一次～今次依然保持超高水准～咬落去口感软绵绵好creamy，质感好幼滑，食一件口腔都已经充满芝士香～呢只蛋糕之所以咁得我欢心。。系因为我真系未喺第二度试过有呢种口感既蛋糕～一咬感受到佢既软滑。。夸张d都要讲 瞬间系有种幸福既感觉超正！！仲有佢每件隋圆形的芝士蛋糕都会有条纸围边，确保蛋糕之间唔会黏起来，很细心呀！另外今日亦都系想试新出品：叶子派leaf pie～ 呢样食物以往o系日本旅行时都见过～在当地应该系几出名的洋果子～见到这个新出品的资料上写了“由日本运送到港，每天于工房新鲜烤焗，保证做到《香、酥、脆》”～已经觉得好正宗＋好吸引了～ 一咬落去 口感好酥脆，真系几好味，甜甜地～上面布满粒粒枫糖，好有枫蜜香味的～ 同埋重点系佢唔会好甜，甜度都系刚刚好～外型都好靓，成块叶咁好特别～ 值得试下～