真台客

营业中

休息中

之前已经去过一次真台客食饭，今次想试埋佢嘅红烧牛肉面！牛肉面卖相唔差wor，望落d汤好似都几清，算系多萝卜同埋牛肉！个面食落真系几有台湾味道，牛肉炆到入晒味又够淋身，萝卜都够淋同埋有甜味。至于面质都系似台湾食到嘅牛肉面，面条系比较粗身嘅，加埋佢个汤，真系有d台湾feel wor！另外仲叫左个台式鲁肉饭，饭我觉得油左少少，牛肉面相对上反而比较清。最后仲叫左个蚵仔煎。其实佢嘅饭面碟头都唔细，系食到已经差唔多饱嘅情况下食都觉得个蚵仔煎唔错，如果肚饿d嘅时候食应该会再觉得好食d！佢个蚵仔煎同台湾食嘅有少少唔同，佢有菜放喺下面，感觉上无咁油腻。下次再嚟要谂下再试咩新野先！