影片
更多
2017-09-18
106 浏览
身为正宗既抹茶控, 京林屋算系帮衬得最多次既抹茶甜品铺, 成日经过铜锣湾都会想去食, 最近吃左几间抹茶铺都未令我过足抺茶瘾, 今次住太古既朋话我知原来太古都开左间新既京林屋!!!! 所以就同佢夹个日子一齐食抹茶去~~~星期日晚黎都差唔多坐满, 好彩唔洗等位, 位置虽然唔系系太古商场入面, 但都几方便, 系D出口出过马路行一两分钟就见到~~~ 装潢格局其实同希慎分店差唔多, 一贯既简约和风比人舒适进餐既感觉, 食品餐点都一样, 所以唔担心食既野会唔同。 京式鳗鱼饭 $98上次系希慎食过佢既咸食料理几惊喜, 所以今次决定再试下其他款式, 朋友同我都系爱鳗之人, 所以一致拣左鳗鱼饭同平时鳗鱼饭唔同, 呢到既鳗鱼系切左粒而唔系条状, 所以我地两个人share就会比较方便。鳗鱼鱼肉质感松化, 每粒都连着鱼皮, 皮下油脂丰腴, 所以食落好滑口, 我个人偏好较焦香既鳗鱼, 所以呢款岩朋友多D, 另外满布饭面既蛋丝甜甜地, 用作拌饭一流, 眨下眼蛋丝就被我朋友清光左XD(平时明明系我食得最快架!!!!) 至于饭用左焙茶烹煮, 焙茶味唔算突出, 多啲鳗鱼汁就好… 不过饭系日本米所以都糯韧。配埋面豉汤,
星期日晚黎都差唔多坐满, 好彩唔洗等位, 位置虽然唔系系太古商场入面, 但都几方便, 系D出口出过马路行一两分钟就见到~~~ 装潢格局其实同希慎分店差唔多, 一贯既简约和风比人舒适进餐既感觉, 食品餐点都一样, 所以唔担心食既野会唔同。
京式鳗鱼饭 $98
上次系希慎食过佢既咸食料理几惊喜, 所以今次决定再试下其他款式, 朋友同我都系爱鳗之人, 所以一致拣左鳗鱼饭
同平时鳗鱼饭唔同, 呢到既鳗鱼系切左粒而唔系条状, 所以我地两个人share就会比较方便。鳗鱼鱼肉质感松化, 每粒都连着鱼皮, 皮下油脂丰腴, 所以食落好滑口, 我个人偏好较焦香既鳗鱼, 所以呢款岩朋友多D, 另外满布饭面既蛋丝甜甜地, 用作拌饭一流, 眨下眼蛋丝就被我朋友清光左XD(平时明明系我食得最快架!!!!) 至于饭用左焙茶烹煮, 焙茶味唔算突出, 多啲鳗鱼汁就好… 不过饭系日本米所以都糯韧。配埋面豉汤, 不过小吃萝卜就卖哂~
抹茶红豆白玉甜汤 $68
每次黎都系点芭菲泡冰果D,好少叫热既甜品, 所以今次就试下个热甜汤。有两款, 一款系金栗白玉红豆, 另一款系年糕, 我想食栗子所以拣左前者。
Size唔算好大, 一个汤碗份量, 但食落原来都几多料, 栗子得一粒梗系被我秒食左, 几粉甜, 白玉有四粒, 同平时既一样软韧
估唔到原来红豆茸系劲大旧, 所以成个汤既甜主要系来自佢, 建议大家食红豆前先分品尝个抹茶汤先, 因为就咁饮就饮得出浓郁既抹茶味!!最欣赏系个抹茶汤!反而加左红豆的确好甜!
林屋焙茶芭菲 $88
又到芭菲时间, 其实食过咁多间芭菲, 间间都有唔同配料, 京林屋既配料系最传统既白玉、啫哩、红豆同忌廉, 反而出面会加好多其他配例如米米、脆片等,口感可能丰富D, 不过呢到既抹茶味就够香浓, 由头食到落尾都令味蕾感受到抹茶既威力, 而且奶感令雪糕更添creamy呢! 所以睇您想抹茶味浓定重视配料~
焙茶芝士蛋糕 $98
有得拣蛋卷或者芝士蛋糕, 感觉芝士蛋糕饱肚啲XD
焙茶雪糕甘醇清香, 继续一贯高质雪糕既特式, 配埋白玉同红豆, 已经令人秒清左, 反而芝士蛋糕既焙茶味就无咁突出.....第一啖食落主要feel到芝士既滑杰口感, 过几秒先慢慢惨出茶味, size较迷你, 饼底几薄身。
焙茶牛奶忌廉 $48
估唔到呢个饮品有惊喜㖞!!! 焙茶本身唔系浓味既茶, 但加左落牛奶到无被掩盖左, 焙茶同牛奶比例各半, 柔柔地茶香配埋左奶既丝滑, 面既忌廉轻盈不腻, 而且上餐时微微温热饮落好舒服!!!!
焙茶朝薰
有卡纸教点冲, 冲左3round都仲有味~ 食咁多甜品饮返茶都几好。
张贴
