影片
更多
2014-08-26
2013 浏览
每年帮姨仔、舅仔庆祝生日，最大好处喺可以一餐过搞掂，因为佢哋生日只喺相差一星期，不过，谂去边度食就最烦，皆因舅仔较为嘴刁，佢又钟意食中菜多过西餐，传统酒楼有啲了无新意。早前曾到访过「大力棒棒」，试过其中一些特色摩登中菜，所以，今回就铁定带舅仔嚟一试有几摩登法？今次再嚟，发觉店家换咗啲红色、黄色嘅竹椅，感觉轻盈得多，至于其他方面，则无乜点变，室内环境依样大玩中国色彩元素，如竹帘、油纸遮形吊灯、幽默画作 。由于已食过一次，所以对餐厅菜式有一定认知，故此，拣嚟几款上次食过嘅心水之外，再加少少估计较合舅仔口味嘅菜式。由于我哋都喺一行只得5人，所以，菜式就唔点太多，况且，事后仲有分子雪糕做甜品。 烟鸭胸 $10犹如中菜馆嘅酸菜、花生，以两个人一客计，其实，既然喺走在摩登线上，不妨考虑取消依个中菜传统嘅习惯，或者可以大方啲送俾客食。 自家制洛神花茶 $18 / 杯，$32 / 壶 店中有自家制薏米水及洛神花茶，觉得后者好饮啲，所以，都点一壶俾屋企人试吓。酸酸甜甜嘅洛神花茶，餐前饮的确有种叫人开胃嘅感觉 。 鸡丝粉皮 $488款凉拌小食中，拣咗凉爽嘅鸡丝粉皮。粉皮绵薄，配合埋青瓜丝、鸡
今次再嚟，发觉店家换咗啲红色、黄色嘅竹椅，感觉轻盈得多，至于其他方面，则无乜点变，室内环境依样大玩中国色彩元素，如竹帘、油纸遮形吊灯、幽默画作 。
由于已食过一次，所以对餐厅菜式有一定认知，故此，拣嚟几款上次食过嘅心水之外，再加少少估计较合舅仔口味嘅菜式。由于我哋都喺一行只得5人，所以，菜式就唔点太多，况且，事后仲有分子雪糕做甜品。
烟鸭胸 $10犹如中菜馆嘅酸菜、花生，以两个人一客计，其实，既然喺走在摩登线上，不妨考虑取消依个中菜传统嘅习惯，或者可以大方啲送俾客食。
自家制洛神花茶 $18 / 杯，$32 / 壶 店中有自家制薏米水及洛神花茶，觉得后者好饮啲，所以，都点一壶俾屋企人试吓。酸酸甜甜嘅洛神花茶，餐前饮的确有种叫人开胃嘅感觉 。
鸡丝粉皮 $488款凉拌小食中，拣咗凉爽嘅鸡丝粉皮。粉皮绵薄，配合埋青瓜丝、鸡丝，芝麻酱亦好够浓香，只喺稍稍觉得可以做番稀少少，口感无咁浆。
饱受折磨 $42 足见大部分金菇条条分明，如果入过厨你就知将啲金菇拆条喺几花时间嘅一件事。金菇逐条拆散，上粉炸，混和七味粉及淮盐，条条分明，金香酥脆，咸咸香香，送酒嘅推介脆口小食 。
杏汁白肺汤 $268 人少少要个4人份，话虽如此，已好够我哋5个人饮，仲有得添饮，当然汤渣照样上晒碟，以表真材实料，而猪肺食落完全无膻臭味，可见啤水洗猪肺无hea做。而个炖汤入口非常滋润，清甜芳香，清泽润肺，杏香淡雅 。
浓汁咖喱皇子鸡盒 $148 招版鸡锅有多款选择，有标准及大嘅份量，就以依个浓汁咖喱皇子石锅鸡，标准卖$118，大则卖$228，如想改多士盒，另加$30。个咖喱几香浓，但做法偏似日式，带甜味，而鸡肉好滑溜。至于个多士盒拣蒜蓉牛油味，包身脆脆哋，切开一件件再沾埋咖喱汁食，宁舍好味。
鲍鱼鸡粒豆腐煲 $98 热辣辣嘅石锅逼令成道菜香喷喷，粒粒鲍鱼无花无假，烟韧具嚼劲，鸡粒鲜味嫩滑，而豆腐夸张少少讲更可以用超滑形容，个酱汁稠密浓香而惹味，捞饭之选 。
鲍鱼酥盒 $340 店中有唔少被列为「镇店小菜王」嘅菜式，庆生饭点都加一、两道贵气少少嘅菜式贺一贺佢哋，依道本应一客4件酥盒，就加够5件人人有份。单睇卖相真喺几够霸气，不过，要霸气就需要付出多少少金钱，但计落平均一只$70又OK㖞 。酥盒极富牛油香，咬落十分酥脆，而鲍鱼炆煮得浓郁滋味，有咬口，不过，鲍心位有少少韧 ，美中不足之处。
瑶桂炒龙芽 $88 时蔬类亦有超过10款，临尾就嚟多一道较清淡少少嘅时蔬类，龙芽就即喺银芽，加埋粉丝、瑶桂丝、葱粒、蛋花清炒，味道稳打稳扎，口感纷陈，当然又唔会有咩太大惊喜啦。
食罢咁多道菜式，家人都好满意，小弟亦总算有得交差，跟住，一齐去附近嘅Lab Made食分子雪糕！
张贴
