影片
更多
2016-04-08
423 浏览
蒸气石锅之前都食过两次架啦，但系半自助形式都系第一次，今日黎到旺角通菜街分店，呢间系潮福唯一一间有半自助既分店。放工之后黎到都8点，呢个时候入座要$338，再加15蚊茶芥，加埋一，八折左之后每人都要$311，都唔算太贵既。所谓半自助，系每人有一个汤，贝壳盛盆同埋南非龙虾，再每台系多个海鲜中拣5样野。只于任食系列，有好多野拣，猪肉丸啦，凉瓜，丝瓜，荷叶饭，菜，马拉榚等等，唔够可以再叫，汽水亦都系任饮既。如果唔想要半自助，亦都可以 a la carte，menu上面有每种食物需要蒸既时间，方便大家参考。上面呢顶好似草帽既就系今晚既主角: 蒸气石锅，个盖似系用藤编织既，外型有D似北非既Tajine。调味料自助式，各款齐备。汽水亦都系自助，饮几多都得，唯一美中不足既系无coke zero。云腿粒冬瓜炖海螺肉: 味道OK，冬瓜亦都几多，可惜油份过多，无益！西洋菜炖唐排:热辣辣，材料丰富，但系西洋菜好少。新鲜排骨粥:呢个排骨粥系全晚重头戏，一开始未蒸任何食物时已经放入锅底，之于味道系点，阵间话俾大家知。生猛海中虾+ 贝壳盛盆: 贝壳盛盆其实就系蚬，大中小蚬都有，味道鲜甜肉厚多汁，亦都几有海水味。只
放工之后黎到都8点，呢个时候入座要$338，再加15蚊茶芥，加埋一，八折左之后每人都要$311，都唔算太贵既。
所谓半自助，系每人有一个汤，贝壳盛盆同埋南非龙虾，再每台系多个海鲜中拣5样野。只于任食系列，有好多野拣，猪肉丸啦，凉瓜，丝瓜，荷叶饭，菜，马拉榚等等，唔够可以再叫，汽水亦都系任饮既。
如果唔想要半自助，亦都可以 a la carte，menu上面有每种食物需要蒸既时间，方便大家参考。
上面呢顶好似草帽既就系今晚既主角: 蒸气石锅，个盖似系用藤编织既，外型有D似北非既Tajine。
调味料自助式，各款齐备。
汽水亦都系自助，饮几多都得，唯一美中不足既系无coke zero。
云腿粒冬瓜炖海螺肉: 味道OK，冬瓜亦都几多，可惜油份过多，无益！
西洋菜炖唐排:热辣辣，材料丰富，但系西洋菜好少。
新鲜排骨粥:呢个排骨粥系全晚重头戏，一开始未蒸任何食物时已经放入锅底，之于味道系点，阵间话俾大家知。
生猛海中虾+ 贝壳盛盆: 贝壳盛盆其实就系蚬，大中小蚬都有，味道鲜甜肉厚多汁，亦都几有海水味。只于海中虾，每人都有两只，虽然唔系好大只，但系拆开后都几好肉，肉质爽弹，亦都好有鲜虾味。
日本大元贝: 大元贝用蒜蓉粉丝蒸，做法非常传统，元贝超级大粒，亦都好新鲜，咬落好Juicy，如果可以落返少D蒜蓉就更加好啦。
酿凉瓜+虫草鸡+ 污糟鸡: 虫草鸡除了虫草，仲有姜葱。污糟鸡蒸过后鸡肉都能保持嫩滑。至于猪肉丸，佢系以新鲜猪肉手剁而成，加左少少马蹄同埋其他材料整成既，肉质好嫩滑，肉丸味道浓而多层次，好好味。至于酿苦瓜，佢系用梅菜肉丸黎酿，唔错。
蛏子皇: 蛏子大大只，亦都系同其他海鲜一样，用粉丝同蒜蓉作伴， 食食下都开始有D闷。
南非龙虾: 每人有半只南非龙虾，亦都系加上蒜蓉蒸，肉质弹牙味甜，啖啖肉。
大连胞鱼:
胞鱼加左虫草去蒸，虽然唔算大只，但蒸得几好。
象拔蚌仔: 象拔蚌先切为条状，再加粉丝蒜蓉去蒸，口感都算爽口弹牙。
马拉榚 + 荷叶饭: 马拉榚热辣辣, 口感松化，我地只系叫左一人份量，已经有两件，真系几饱肚。
至于荷叶饭，配料比较少，味道较淡，有改进空间。
新鲜排骨粥: 食完晒所有野时个粥就应该READY，个粥系经过多轮唔同海鲜同𩠌菜既蒸气精华「蒸」成既，由本来既珍珠米，排骨同南瓜，过左1个钟头之后，已经变成好多粥水既排骨粥，粥呈米黄色，口感绵滑，吸晒排骨既味道，咸咸地，好入味。
今晚整体黎讲食物唔错，但系所有海鲜既烹调方式都系用粉丝蒜蓉，食到有D闷，如果部分海鲜用豆豉去整，可能会更加好。
张贴
