影片
更多
2014-09-21
228 浏览
年初到访过尖沙咀金巴利道嘅韩式烤肉店「喜来稀肉」，主打一只成年猪只有200-300克嘅护心肉，以及炉边烤蛋，觉得美味又独特，当其时都可讲得上城中独卖。早前，又见到另一新店，被喻为韩国No.1烧肉嘅「新麻蒲」，落户铜锣湾，故嚟到新麻蒲就喺想再重温一下护心肉嘅美味。迎门口一个大招牌，正正讲出何解No.1，皆因全球分店总数超过480间，遍布中国、东南亚及美国，单单韩国本土已拥有430多间分店（注：喜来稀肉晌韩国本土则有230多间），绝不能小觑佢嘅规模，果然喺市场占有率之冠。喜来稀肉个环境有种年轻、不拘小节嘅感觉，石屎墙身、水泥地下，基本上无太多装修，并以围炉圆枱居多；然则，新麻蒲都有点相类似，水泥地下、仿红砖墙，不过，就以4人卡位为主，坐得较舒适，最特别每个卡座顶都置有光管，感觉较为摩登，而炉顶又有个烟囱连波形吊灯，刻意聚光于炉上，非常有心思。个烟囱又可以伸缩，故此，抽风效果都可以，食咗成晚都唔觉烟雾弥漫。翻一转餐牌，其实跟据之前食韩烧嘅经验，大抵都知道个情况。第一版就介绍护心肉嘅效能，而选择不外乎猪肉类、牛肉类、主食类（饭面、热锅）、特选料理（寿司、年糕、煎饼）、酒类、饮品及韩冰。一向食有
迎门口一个大招牌，正正讲出何解No.1，皆因全球分店总数超过480间，遍布中国、东南亚及美国，单单韩国本土已拥有430多间分店（注：喜来稀肉晌韩国本土则有230多间），绝不能小觑佢嘅规模，果然喺市场占有率之冠。
喜来稀肉个环境有种年轻、不拘小节嘅感觉，石屎墙身、水泥地下，基本上无太多装修，并以围炉圆枱居多；然则，新麻蒲都有点相类似，水泥地下、仿红砖墙，不过，就以4人卡位为主，坐得较舒适，最特别每个卡座顶都置有光管，感觉较为摩登，而炉顶又有个烟囱连波形吊灯，刻意聚光于炉上，非常有心思。个烟囱又可以伸缩，故此，抽风效果都可以，食咗成晚都唔觉烟雾弥漫。
翻一转餐牌，其实跟据之前食韩烧嘅经验，大抵都知道个情况。第一版就介绍护心肉嘅效能，而选择不外乎猪肉类、牛肉类、主食类（饭面、热锅）、特选料理（寿司、年糕、煎饼）、酒类、饮品及韩冰。
一向食有质素嘅韩烧都唔平，细细碟韩牛，逐碟逐碟计，唔经唔觉个人消费都三几百落楼。难得店家有提供套餐，可以食得划算一点。6款套餐，有净食牛肉或净食猪肉，又或有牛又有猪，套餐份量有大大细，适合2人（$368-$548）或3-4人（$668-$698）。以SS6套餐包嘅种类就最多样化，3-4人份量，有牛，有猪，又有特选什锦拼盘，下面再慢慢介绍有啲咩！
韩国菜其中一个特色，就喺食乜都会餐前送来三几款冷盘前菜，韩式泡菜喺指定动作，其次仲有渍腌萝卜及甜辣酱大豆芽伴葱丝。泡菜够辣够狼，萝卜清甜无渣，大豆芽酸爽开胃，几款前菜都有水准，又各有特色。
此外，仲奉送一份黑芝麻酱田园沙律，沙律菜新鲜爽脆，内里仲有火龙果及车厘茄，配上自家制黑芝麻酱，味道几特别，烤杏仁片更有画龙点睛之效，唯独个人觉得黑芝麻酱做得稀一点效果应该更好。
除咗前菜、沙律，食韩烧仲有几样配料好重要，新鲜生菜用嚟包住啲烤肉食，既清爽又去油腻；嫌斋包生菜寡啲，加啲青瓜粒、豆办酱又点睇？如果唔怕油腻，又想肉味重啲，大可试试沾少少青辣椒洋葱酱油嚟提味，感觉肉味更浓。
SS6套餐 $678食物包括有：牛霜降肉（120g）、新麻蒲秘制牛五花肉（150g）、新麻蒲护心肉（150g）、新麻蒲五花肉（150g）、特选什锦拼盘（年糕、蘑菇、猪肉香肠、大虾）、火炙霜降牛肉寿司4件，美观实用嘅三层架盛载所有食物登场。
未烤肉，店员先为客人注入蛋浆于烤炉外围嘅坑边，制作炉边烤蛋，因为唔喺第一次食，所以心里有数，知点搞。其实烤蛋都要几长时间慢慢烘，大概食咗一半烤肉嘅时候，啲蛋都OK嘞。比起上次晌喜来稀肉食嘅（坑边分开3截，1/3喺原味，1/3加有少许泡菜），新麻蒲嘅蛋浆就加入咗好多泡菜，蛋香依然浓郁，但多添几分惹味及辛辣，若烘得啱火候，烤蛋入口软绵绵，否则过老会变得嚡口。万一失败唔紧要，玩多次无妨，但添蛋浆每次收费$28。
上层（年糕、冬菇、金菇、鸡肶菇、猪肉香肠、大虾）大虾够新鲜，鲜甜弹牙喺意料中事，而冬菇、金菇、鸡肶菇烧完口感柔韧，菇香滋味，猪肉香肠亦都唔错，唔似得啲平价鸡肉肠成日出现过咸嘅现象；不过，最估唔到喺啲年糕，烧完都仲喺咁硬，真奇怪。
中层（霜降牛肉、秘制猪颈肉）色泽深红嘅霜降牛肉，油花分布平均，切成一小件一小件，第一次烧可能过咗火，有点韧，第二次就理常好多，由于肉嫩又带好重油份，所以，小弟较钟意以生菜包住，再加啲青瓜一齐食；餐牌标明喺新麻蒲五花肉，由于供应问题，改以色泽粉嫩嘅秘制猪颈肉代替，睇落同样脂肪分布匀巡，切成条形，咬落有种爽脆感，一样油香滋味。
下层（新麻蒲护心肉、新麻蒲秘制牛五花肉）较深色喺护心肉，晌喜来稀肉嘅食文都介绍过，所以唔多叙述，相对浅色喺牛五花肉。前者因为喺一组肉筋，所以形状比较细小，无乜脂肪，但黐住少少筋膜，口感喺柔韧有弹性；后者摊开后喺薄薄一大片，轻烧即可，嫩滑油香富肉味，净食或包生菜皆宜。
由于当日准备有啲不足，出菜有啲乱，而套餐内嘅火炙霜降牛肉寿司亦无缘一会，此外，饭面一类主食亦未能供应，实在可惜！蓝天柠檬汽水、覆盆子红醋汽水 $28
食住韩烧真喺唔饮嘢唔得，饮品中有几款几新奇嘅汽水：蓝天柠檬汽水、酸梅汽水、覆盆子红醋汽水，款款都喺卖$28一杯，试咗其中两款。蓝天柠檬汽水其实跟饮一般汽水分别唔太大，犹如柠檬梳打，只喺色泽做得靓，望见都爽晒；而覆盆子红醋汽水则特别少少，酸酸甜甜，有种饮酸梅汤嘅感觉。
韩国豆粉冰沫、韩国红豆冰沫 $88虽然，有啲菜式未能一试，不过，临尾嘅两款韩式甜点，著实带来惊喜。前者简单以冰沫，加入黄豆粉、麻糬、杏仁片，一层又一层铺制而成，而后者则多加一大撮红豆。何谓「冰沫」，其实即喺刨冰，但刨得极度幼细，入口绵柔即化，带浓香嘅牛奶味，配以豆香十足嘅黄豆粉，烟烟韧韧嘅麻糬，薄薄脆脆嘅杏仁片，真喺要味道有味道，要口感有口感，真喺食完韩烧嘅最佳甜品，不容错过，而且份量颇大，莫讲喺二人份，3-4人都够试。
如觉得晚市消费有啲贵，午市亦有套餐供应，15款午餐可供选择，类别都几多，有石锅拌饭、冷面、豆腐锅、大酱汤、烤肉……等等，收费由$58-$95（+10%服务费），以铜锣湾区都算喺合理收费。
虽然服务有唔少甩漏，但店员嘅诚恳可嘉，希望能继续改善，守住No.1嘅招牌。在此多谢食友邀请，让小弟掹车边嚟到新麻蒲再尝多款韩式烤肉。
张贴
