Bondi (已結業)

食物嘅质素，可以反应到一间餐厅嘅心思同诚意。这间餐厅一直令我印象好深嘅系，餐厅每一个细节上都好一丝不苟。虽则系工厦餐厅，但系呢间餐厅有一种魅力，系会令你想食完再食。香辣番茄酱肉丸肉丸充满嚼劲，可以食到好香嘅猪肉鲜味，仲会慢慢渗出微辣嘅黑椒香令人好开胃呀Bondi 沙律配柚子醋汁沙律菜新鲜爽甜，有粒粒新鲜嘅柚子肉，味道甘甜，唔会觉得苦。几有心思。广岛蚝意大利饭菜式设计特别，同平时食开普通嘅意大利饭唔同。卖相精致，表面嘅脆脆同炸蚝相映成趣。意大利饭充满忌廉香，均匀地熟透，唔会有米骨。忌廉汁收得好好，啱啱好包围饭粒，唔会太稀。食完表面，原来入边仲有一块蚝肉，好有趣😂心太软朱古力味道较浓，系令人感动嘅流心😍建议可以再热多少少，令到冷同热嘅对比更加强，就会更加好味啦我呢个朱古力怪，食完心太软饮品还是点了一杯热朱古力😂估唔到呢一个细节位都做得咁好朱古力唔系普通朱古力粉冲，而系可以饮到好香嘅牛奶香味，特别香滑今次离开，期待下次再来有新菜式😌🌟