25
14
9
等级3
30
0
再好食都唔会打算再去
2009-12-20 5 浏览
今晚同三位朋友黎呢度食野, 其实有位朋友出黎前两三个钟先食完野, 佢好饱唔多想食野, 咁我地三个女仔胃口细, 三个人叫三个餐又好似太多, 但系其中一位朋友又话听人讲呢间好食想黎呢间食。我地七点左右黎到, 果阵其实睇到仲有入面四个位, 出面门口六个位无人坐, 但系得门口有四人台, 就去果度坐, 咁岩有个座地既牌栋左响门口顶住张台, 于是就入唔到去坐, 呢个时间, 个女店员即刻帮我地拉开个牌等我地坐入去再拉番埋个牌。于是我地叫左两个 $128 既餐喇, 女店员初初落单果阵无讲乜野……之后又多左人入黎, 但系间铺未 full 仲有门口一张二人台。好喇, 又有两个人黎喇, 见到女店员好似同佢落左电话同人数, 同佢讲 "阵间有位打俾你啦" 唔知系咪生意难做啦, 呢个时候, 女店员无啦啦走过黎, 好有礼貌咁话佢地有最低消费, 话我地四个人唔可以叫咁少野, 又系咁话 "我地间铺得廿个位咋, 每一个位对我地既生意黎讲都好重要架, 希望你地体谅。" 咁我地初时都唔觉得有问题, 于是又叫多个汤啦, 点知再叫佢落单佢又再话唔够要再加野, 我地问佢最低消费几多, 佢就话每人最低消费 $48 , 指住铺头入面张
更多
今晚同三位朋友黎呢度食野, 其实有位朋友出黎前两三个钟先食完野, 佢好饱唔多想食野, 咁我地三个女仔胃口细, 三个人叫三个餐又好似太多, 但系其中一位朋友又话听人讲呢间好食想黎呢间食。我地七点左右黎到, 果阵其实睇到仲有入面四个位, 出面门口六个位无人坐, 但系得门口有四人台, 就去果度坐, 咁岩有个座地既牌栋左响门口顶住张台, 于是就入唔到去坐, 呢个时间, 个女店员即刻帮我地拉开个牌等我地坐入去再拉番埋个牌。于是我地叫左两个 $128 既餐喇, 女店员初初落单果阵无讲乜野……之后又多左人入黎, 但系间铺未 full 仲有门口一张二人台。好喇, 又有两个人黎喇, 见到女店员好似同佢落左电话同人数, 同佢讲 "阵间有位打俾你啦" 唔知系咪生意难做啦, 呢个时候, 女店员无啦啦走过黎, 好有礼貌咁话佢地有最低消费, 话我地四个人唔可以叫咁少野, 又系咁话 "我地间铺得廿个位咋, 每一个位对我地既生意黎讲都好重要架, 希望你地体谅。" 咁我地初时都唔觉得有问题, 于是又叫多个汤啦, 点知再叫佢落单佢又再话唔够要再加野, 我地问佢最低消费几多, 佢就话每人最低消费 $48 , 指住铺头入面张告示话"入面果张野有写, 只系俾条野(圣诞装饰)遮住咋嘛"! 咁我地自己计数, $48x4 = $192, 而我地根本就叫左 $128x2 = $256 既野, 之后仲要叫多左个汤㖞!!! 个汤都 $20 啦! 根本我地就过左佢所谓既最低消费啦! 之后女店员又再黎问我地想点乜, 佢讲左句野我觉得系自相矛盾, "我地间铺得廿个位, 我地又唔想迫d 客俾钱架, 咁……你地四个成年人无理由净系叫两个餐架!!!"
讲咁耐, 根本就唔系我地唔够最低消费law, 响呢个时间, 我地见到间铺又已经有d 人走左, 间铺又多番d 位出黎喇, 系咪我地阻住佢地做人地几百万生意呢?? 最后我地叫多一个汤(埋单三百蚊), 之后女店员态度已经无之前咁热情喇, 埋单我地摆低d 钱佢过左一阵先拎, 找完钱又番去入面忙, 完全无谂过我地俾佢地门口个牌顶住左出唔番黎走唔到law, 惟有自己大力地推开个牌先行到出去喇……

食物唔系唔好食既, 但系店员一而再、再而三强调佢地间铺得果廿个位
, 又三番四次用唔同既理由去迫我地order 多d 野食, 呢下令到我地整次用餐唔太开心。明明两个餐已经够四个人既最低消费价钱都迫我地再点野食, 真系唔多老实。 最低消费咁重要既野, 响门口个位坐低真系睇唔到入面张野写左每人$48 law, 点解唔写响menu 上面呢?我决定以后唔再去了。
(以上食记乃用户个人意见 , 并不代表OpenRice之观点。)
  • 推介
    已推介
  • 检举
张贴
评分
用餐日期
2009-12-20