霞小飛 (已結業)

我好少一个月之内帮衬同一间餐厅两次，霞小飞系例外，上次试过，一试难忘，今次如何？上次帮衬觉得呢度两人位好逼，袋同衫都无地方放，喺食评建议佢地放个籐篮喺旁边俾客放野，今次发现真系有个籐篮喺櫈旁边，呢间小店咁着重顾客嘅意见，绝对值得一赞👍🏻👍🏻👍🏻担担面因为好怀念佢哋上次整嘅担担面今次再叫，睇下质素有无改变，结果，水准稳定，我叫佢"必食面"👍🏻葱油拌面葱油拌面一般系无咩料，喺第二间食通常都系只觉肥腻，但系呢度葱油拌面与别不同，面上面加左樱花虾，而且唔少，仲跟埋一碗金华火腿上汤，个汤好鲜味，唔系行货👍🏻，整个拌面卖相矜贵，樱花虾亦令味道提升，面几干身，食完一啲唔觉得肥腻，只系份量较少，但仍然系"必试面"萝卜丝酥饼霞小飞前身霞飞点心拉面整嘅萝卜丝酥饼绝对系全港冠军，卖相好又热又脆口，霞小飞嘅萝卜丝酥饼又点呢？唔.... 卖相一样出色，非常热👍🏻，但脆口度只得以前8成，有啲失望。😧驴打滚洞庭楼嘅驴打滚无得弹，呢度嘅驴打滚又点？原来做法完全唔同，系用热而柔软嘅糯米做成，外面扑上花生芝麻黄豆粉，个粉做得好幼滑，糯米软熟而烟韧，睇得出好俾心机做，无得输👍🏻酒酿小丸子上次食过，今次再食，水准一样高，桂花