羅麥記 (奧海城2期) (已結業)

咁就一年，依然戴住口罩，依然喺大角嘴揾食，今日落雨避左入奥海城，吾系太想食老麦既情况之下，俾多次机会《罗麦记》，再试下佢既午餐。年几前食左个冻既早餐，其实附近都好多嘢食就较少返黎帮衬。今日见佢推个午餐选择都几多，就叫左「焗住食」- 即系《焗猪扒饭》顶肚。大家理想既焗猪扒饭有咩条件？我既见解系《焗猪》一定热上，块扒一定要大大件最好会跟蛋浆焗，最好就用汤匙都切到，多层芝士，炒饭底。大快乐心心快餐店做到既野应该系基本盘。今日试呢碟《焗住食》完全符合以上条件，猪扒足手掌长，未算特别厚切，但的确连蛋浆扫面焗，芝士多到可以拉丝打咭，食到菇亦有蕃茄粒，但个红汁有颇浓喼汁味，份量刚好完全完全覆盖饭面，炒饭底。咬落块猪扒有蛋香亦有芝士微焦既味道，块扒切落都要用少少力，未致于快餐店「嗱」到𣺉晒既地步。成个饭睇得到食得到有个质素喺度，呢点要赞。入《罗麦记》，杯奶茶可能系最紧要，今次焗饭又得，奶茶亦保持水准，六十蚊喺大商场。满意！总结 - 可以收货！