影片
更多
2016-09-25
237 浏览
重记得上次喺佢刚开张既时候黎帮衬，可能因为新开张既关系，所以有少少位有D「甩碌」，不过整体都在中上之上，感觉到佢地真系有心去做好每一件事！今次再带朋友黎就醒目喇，一早就订好晒位，可以直接入去坐，正！虽然只系六点几，但餐厅己经差唔多全场满座，所以唔想等位既朋友最好打电话黎订定枱呀！同上次一样，佢地有部份食物系有分大/中/小三个size，价钱方面亦都相应调整，适合大家喺portion方面可以flexible一D！蒜香红海蜇头 ($68)：非常惹味开胃既餐前小吃！由于用左新鲜青瓜做配菜，所以当捞埋混左酸甜酱汁既海哲头一齐入口时口感真系唔错！不过，要留意既系佢都有少少辣，如果唔食得辣既朋友要注意呀！扬州炒饭 ($82)：Portion比想像中大，而配料都尚算丰富，只不过因为炒饭有少少炒到过干，所以整体口感只系一般而已，建议可以留肚试下其他更加特别既菜式！南洋参巴空心菜 ($72)：空心菜镬气十足，抵赞！除左腐乳之外，亦都食得出用左好几种唔同既香料既炒，所以口感非常之香口，非常特别，值得一试！菜香铁板豆腐 ($88)：将香喷喷既豆腐放喺铁板之上呢个idea非常唔错！因为铁板既热力，豆腐能够吸收晒
今次再带朋友黎就醒目喇，一早就订好晒位，可以直接入去坐，正！虽然只系六点几，但餐厅己经差唔多全场满座，所以唔想等位既朋友最好打电话黎订定枱呀！同上次一样，佢地有部份食物系有分大/中/小三个size，价钱方面亦都相应调整，适合大家喺portion方面可以flexible一D！
蒜香红海蜇头 ($68)：非常惹味开胃既餐前小吃！由于用左新鲜青瓜做配菜，所以当捞埋混左酸甜酱汁既海哲头一齐入口时口感真系唔错！不过，要留意既系佢都有少少辣，如果唔食得辣既朋友要注意呀！
扬州炒饭 ($82)：Portion比想像中大，而配料都尚算丰富，只不过因为炒饭有少少炒到过干，所以整体口感只系一般而已，建议可以留肚试下其他更加特别既菜式！
南洋参巴空心菜 ($72)：空心菜镬气十足，抵赞！除左腐乳之外，亦都食得出用左好几种唔同既香料既炒，所以口感非常之香口，非常特别，值得一试！
菜香铁板豆腐 ($88)：将香喷喷既豆腐放喺铁板之上呢个idea非常唔错！因为铁板既热力，豆腐能够吸收晒上面果层肉碎酱汁之余亦能够保持热辣辣既温度，攞黎送饭真系一流！
咖啡脆鸡 ($88)︰非常有特色，系当晚几乎每枱都会点既一道菜！整体感觉有D似韩式烤鸡店出品多D！可能因为用左咖啡去炮制，所以咬落去时除左隐隐感受到咖啡既味道之余又食到鸡肉既味道，crossover到刚刚洽到好处！
总括黎讲，今次既用餐体验非常唔错，除左可以维持整体食物质素之外服务水平亦比刚开幕时既「虾碌」场面改善左好多！诚意推介比每位对食物有要求，又唔怕比多少少钱去享受高「性价比」美食既朋友！
张贴
