蔦 (已結業)

9点左右铜锣湾揾食，又想快d食完归家，谂黎谂去都净系谂到拉面可能天气一冻个脑就实哂，净系想食热野。登龙街今时今日已经系铜锣湾拉面街喇，由街头到街尾都有，新开，老字号，过江龙，沾面...总之就大把啦。夜左又唔太饿，于是决定去食茑。一来贪佢个汤少油冇咁腻，二来感觉佢个面份量好似少d唔洗惊食唔哂依旧系一入去就落单比钱再上座，今次就试佢个味噌汤底，朋友就食个一星嘅酱油味。望住厨房坐吧枱系几舒服，不过位同位之间距离好窄，上座时好易整到人两杯水都自动上座，环境唔系传统日式拉面屋但我几欣赏。如果话茑嘅一星酱油汤系细致优雅，咁味噌就系粗豪中带温柔嘅感觉。牛肝菌油丰富了味噌汤底而冇背脂果种强烈油腻，加上洋葱粒同粟米入口好爽好香。我自己反而觉得佢个招牌酱油汤面，黑松露味太强盖过哂其他香味所以个味噌汤拉面我劲Like呀蛋有几正就睇上图啦，个蛋黄流心到滴埋落碗面度叉烧就入口嫩滑，肥瘦适中，女仕食都唔会觉得肥。以后食拉面又多个选择。