Oslo (已結業)

下午男人打黎问我今晚想食啲咩，突然间好挂住上次食过嘅酥皮蜜糖吐司，于是两个一收咗工就直接约喺𠮶度等，一圆我今日嘅心愿餐厅装修小文青风格，感觉舒服先来个餐汤，忌廉粟米浓汤粟米味清新，而且仲超顺滑香浓，意外嘅好饮士多啤梨奶昔，少女心爆灯🤗香草忌廉烟肉意粉上次食过呢度嘅意粉，已经10分钟意。呢度嘅意粉煮得啱啱好，意粉仲好弹牙爽口，而且我钟意嘅意粉酱汁一向都系偏浓厚，呢度嘅酱汁超浓厚，条条意粉都有酱汁挂住，而且烟肉味够香， 十分好味椒盐鸡翼椒盐味够， 10分香。鸡翼煎到脆卜卜，作为餐前小食十分开胃烟三文鱼芝士焗大菇芝士超足料，难得嘅系大菇冇乜青草味，食落仲有一阵焦香味，配上烟三文鱼，意外既夹。丹麦酥pizza真系好钟意呢度嘅面包，呢度嘅面包外层全部都系脆口嘅酥皮，呢个Pizza系酥皮面包上面加上左芝士，香菇，火腿同埋劲多份量嘅菠萝同千岛酱，酸酸甜甜之余配上超脆口嘅酥皮，真系好惹味石板街蜜糖多士盒终于上我嘅主菜啦（其实佢系甜品啰😂）入面嘅蜜糖多士粒已经搽满蜜糖焗到香喷喷，而外面嘅酥皮热辣辣脆卜卜，配埋cream同埋朱古力雪糕，真系最完美嘅配搭呀～～其实呢间餐厅，我觉得真心无输比台湾嘅任何cafe