韓星星韓國料理 (已結業)

好多餐厅都冇声冇声咁关闭，有幸能系佢地关门前，再去品尝一吓佢地嘅美食，总算将哪个环境、哪些味道、哪些人… 留一份回忆。呢间位于炮台山韩国餐厅，差不多系附近唯一一间，唔知系唔系因为最近开咗间新派嘅韩国餐厅，一个月之后，佢就结业了，真有啲可惜。以前都嚟过好几次，啲侍应都系讲韩文嘅，感觉几地道。执咗又少一个选择。系呢个最后午餐，我哋叫咗铁板牛肋骨肉、铁板辣猪肉同炆牛肋骨。😍前菜有泡菜、薯仔、凉拌波菜、炒瓜同牛肉/脷。份量多，味道正常，𠮶碟牛肉/脷入味，肉稔，几好味...每个午餐都包一碗饭同海带汤，海带汤淡淡地都有几多海带。两个铁板份量都偏少，有啲肉又比较碎，不过都几香口，腌到好入味，有少少鞋。对比下炆牛肋骨，份量足，有萝卜、红萝卜、冬茹，肉都多有成5-6旧，真系好好味，清甜唔会好咸。食到停唔到口。😋😋😋整体来讲，已经帮衬过咁多次，但真系冇下次了。Good Luck。