神山麺屋 (新聲大廈) (已結業)

听到神山开尖沙咀店，之前食过观塘店既我一于去凑热闹。新店开系 iSQUARE 隔离既北京道，平时都人来人往，有新嘢就更加唔使讲。店内空间不大，加埋新开张，相信之后都系要等位。尖沙咀店仲有限定沾面 : 火山极盛豚肉沾汁面，每日限量十碗。自己今日就无缘食到，不过见人地果碗原来大大碗，二人前份量，仲要成个富士山造型，相当吸睛。神山豚角沾汁面沾面汤同面分开上，猪肉大大件，猪梅花肉表面烤至焦香，肥瘦均匀，入口松软。自家特制坑纹面同样有特色，面的中间有坑纹，挂汤能力再提升。沾汁系浓厚豚骨汤底，如果你当汤面食可能会觉得咸，沾面嚟讲绝对够做。神山汤饺子沾面以外的惊喜，惊喜不在于饺子，而是神山汤。神山汤鲜甜而不腻，饺子与汤融合度高，绝非一般吃到的汤饺子可媲美。神山炸鸡鸡皮香脆，鸡肉juicy，酱汁开胃。嘢饮有地道既苹果焙茶同白桃焙茶。